របៀបហៅ​កុំព្យូទ័រ​មក​រក​សភាព​ដើម

តើ ​លោកអ្នក​ធ្លាប់​ធ្វើការ​កែប្រែ​មុខងារ ឬ​ការ​កំណត់​នៅក្នុង​កម្មវិធី​ដែល​បាន​ដំឡើង​នៅក្នុង​កុំព្យូទ័រ​ដែរ​ឬ​ទេ ? នៅក្នុង​ករណី​នេះ ការ​ភ្លេច​ភ្លាំង​នៅពេល​ខ្លះ​ក៏​អាច​ធ្វើ​ឱ្យ​​លោកអ្នក​ពិបាក​ក្នុង​ការ​រក​ វិធី​ប្ដូរ​មក​រក​ការ​កំណត់​ដូច​មុន​ណាស់ ។

ក៏ប៉ុន្ដែ នៅក្នុង​ប្រព័ន្ធ​ប្រតិបត្តិការ Windows 7 លោកអ្នក​អាច​កំណត់​ឱ្យ​កម្មវិធី​ផ្សេងៗ​តួយ៉ាង media player    browser    email    Java VM និង instant messaging និង​កម្មវិធី​ផ្សេង​ទៀត​ឱ្យ​ងាក​ត្រលប់​មក​រក​ការ​កំណត់​ដូច​ពី​ដើម​ដំបូង​ បាន ។


សូម​មើល​ជំហាន​ខាងក្រោម ៖
១. ចុច​ប៊ូតុង Start រួច​យក Defaults Program ។

២. បន្ទាប់​មក​ចុច​នៅលើ Set program access and computer defaults ។

៣. នៅក្នុង​ផ្ទាំង​ខាងក្រោម លោកអ្នក​មាន​ជម្រើស​ធ្វើ​ការ​កំណត់​ទៅលើ​ប្រភេទ​នៃ​កម្មវិធី​នីមួយៗ ។

Microsoft Windows : សម្រាប់​មុខងារ​​នៃ​​ប្រព័ន្ធ​ប្រតិបត្តិការ​របស់​ក្រុមហ៊ុន Microsoft ។
Non Microsoft : សម្រាប់​មុខងារ​របស់​កម្មវិធី​ដែល​មិន​មែន​បង្កើត​ដោយ​ក្រុមហ៊ុន Microsoft ។
Custom : សម្រាប់​មុខងារ​របស់​កម្មវិធី​លាយ​បញ្ចូល​គ្នា​ផ្សេង​ទៀត ៕

Related Posts Plugin for WordPress, Blogger...